<title>Apadāna</title> # north 阿波陀那 51品2. (//2025初稿 ) # nikaya 2.一鉢施與者[[note1#135|長老]][[note4#424|阿波陀那]] ᅟᅟ # pali 2. Ekapattadāyakattheraapadānaṃ ᅟᅟ39. ᅟᅟ‘‘Nagare haṃsavatiyā, kumbhakāro ahosahaṃ; ᅟᅟAddasaṃ virajaṃ buddhaṃ, oghatiṇṇamanāsavaṃ. ᅟᅟ40. ᅟᅟ‘‘Sukataṃ mattikāpattaṃ, buddhaseṭṭhassadāsahaṃ; ᅟᅟPattaṃ datvā bhagavato, ujubhūtassa tādino. ᅟᅟ41. ᅟᅟ‘‘Bhave nibbattamānohaṃ, soṇṇathāle labhāmahaṃ; ᅟᅟRūpimaye ca sovaṇṇe, taṭṭike ca maṇīmaye. ᅟᅟ42. ᅟᅟ‘‘Pātiyo paribhuñjāmi, puññakammassidaṃ phalaṃ; ᅟᅟYasānañca dhanānañca [yasasāva janānañca (syā.)], aggabhūto [pattabhūto (sī. pī.)] ca homahaṃ. ᅟᅟ43. ᅟᅟ‘‘Yathāpi bhaddake khette, bījaṃ appampi ropitaṃ; ᅟᅟSammādhāraṃ pavacchante, phalaṃ toseti kassakaṃ. ᅟᅟ44. ᅟᅟ‘‘Tathevidaṃ pattadānaṃ, buddhakhettamhi ropitaṃ; ᅟᅟPītidhāre pavassante, phalaṃ maṃ tosayissati. ᅟᅟ45. ᅟᅟ‘‘Yāvatā khettā vijjanti, saṅghāpi ca gaṇāpi ca; ᅟᅟBuddhakhettasamo natthi, sukhado sabbapāṇinaṃ. ᅟᅟ46. ᅟᅟ‘‘Namo te purisājañña, namo te purisuttama; ᅟᅟEkapattaṃ daditvāna, pattomhi acalaṃ padaṃ. ᅟᅟ47. ᅟᅟ‘‘Ekanavutito kappe, yaṃ pattamadadiṃ tadā; ᅟᅟDuggatiṃ nābhijānāmi, pattadānassidaṃ phalaṃ. ᅟᅟ48. ᅟᅟ‘‘Kilesā jhāpitā mayhaṃ…pe… viharāmi anāsavo. ᅟᅟ49. ᅟᅟ‘‘Svāgataṃ vata me āsi…pe… kataṃ buddhassa sāsanaṃ. ᅟᅟ50. ᅟᅟ‘‘Paṭisambhidā catasso…pe… kataṃ buddhassa sāsanaṃ’’. ᅟᅟItthaṃ sudaṃ āyasmā ekapattadāyako thero imā gāthāyo ᅟᅟAbhāsitthāti. ᅟᅟEkapattadāyakattherassāpadānaṃ dutiyaṃ. # comp ## 註解 ：